You are here
Home > New Year Status > ଚାଷୀର ଭାତ ହାଣ୍ଡିକୁ ଦଇବ ଭରସା

ଚାଷୀର ଭାତ ହାଣ୍ଡିକୁ ଦଇବ ଭରସା


କନକ ବ୍ୟୁରୋ : ଚାଷୀର ଭାତ ହାଣ୍ଡିକୁ ଦଇବ ଭରଷା । ଶ୍ରାବଣ ସରିଲା ଖରିଫ ଧାନ ପାଇଁ ଚାଷୀ ପାଣି କିଣିଲା ଭଗବାନ ଭରଷାରେ ସୁଖିଲା କ୍ଷେତରେ ଧାନ ରୁଆ କାମ ଆରମ୍ଭ କରିଛନ୍ତି ଚାଷୀ । ଆଗାମୀ ବର୍ଷାର ସୂଚନା ପାଇଁ ଡହଡହ ମୁଣ୍ଡଫଟା ଖରାରେ ସୁଖିଲା ବିଲରେ ଧାନ ତଳି ରୋଉଛନ୍ତି କଟକ ନିଆଳି ବ୍ଲକ ରତନପୁର ପଚାଂୟତ ବନମାଳିପୁର ଗାଁର ଚାଷୀ । ଏଠାରେ ତଳି ପାଇଁ କିଏ ପାଣି କିଣୁଛି ତ କିଏ ନଳକୂଅରୁ ପାଣି ଆଣି ଜମିରେ ମଡାଉଛନ୍ତି । ମୁଣ୍ଡ ଫଟା ଖରାରେ ଚାଷୀ ପରିଶ୍ରମ କରି କ୍ଷେତକୁ ସଜାଡିଛି । ହେଲେ ପାଣି ନଥିବାରୁ ରୁଆ ପୋତା କାମ ହୋଇପାରୁନଥିବା ବେଳେ ମଟର ପାଣି କିଣି ତଳି ବଂଚାଉଛନ୍ତି ଚାଷୀ ।

ଆଗକୁ ପଢନ୍ତୁ

ନିଆଳି ବ୍ଲକରେ ୭୦ ଭାଗ ଜମିରେ ଖରିଫ ଧାନ ଫସଲ କରି ୨୩ଟି ପଂଚାୟତର ଚାଷୀ ପରିବାର ପ୍ରତିପୋଷଣ କରନ୍ତି । ହେଲେ ଏଥର ଆଷାଢ ଓ ଶ୍ରାବଣରେ ବର୍ଷା ଉଭାନ ହୋଇଯିବାରୁ ଧାନ ତଳି ସବୁ ଜଳି ଯାଇଛି । ଗଜା ମରୁଡି ଆଶଙ୍କା ସୂଷ୍ଟି ହୋଇଛି । ବନମାଳିପୁର ଗାଁରେ ଅନେକ ଚାଷୀ ପାଣି କିଣି ୨ ରୁ ୩ ଗୁଣ୍ଠୁ ଧାନ ଚାଷ କରିଥିବା ବେଳେ ଆହୁରି ହେକ୍ଟର ହେକ୍ଟର ବିଲ ପଡିଆ ପଡିଛି ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |





Source link

Leave a Reply

Top
Bitnami